Parlamenterê AK Partiyê yê Qersê Adem Çalkin ragihand ku di projeya Rêya Karakurt–Qağizmanê de, ku ji bo bajarê Qersê girîngiyeke mezin heye, qonaxeke nû dest pê kiriye. Ev proje ku gelek salan li benda pêkanînê bû û gelek caran hate derengxistin, piştî hewildanên li Enqereyê hatin meşandin, ket qonaxa pêkanînê.
Adem Çalkin got ku piştî civînên ku bi Wezîrê Veguhastin û Altyapeyê Abdulkadir Uraloğlu re kirin, di projeya Rêya Karakurt–Qağizmanê de guhertin û nûvekirin hat kirin. Piştî vê nûvekirinê, pêvajoya îhaleyê bi lez hate temamkirin û di 13ê Gulana 2026an de cih bi fermî ji şirketa peymankar re hate radestkirin.
Projeya ku nirxê wê nêzîkî 2 milyar û 908 milyon lîreyên Tirkiyeyê ye, dê ji aliyê hevbendiya Burakcan İnşaat û Mapek İnşaat ve were meşandin. Di çarçoveya projeyê de karên Rêya Karakurt–Qağizmanê, Rêya Kötek–Qağizmanê û beşa Horasan–Selîmê jî cih digirin.
Şîrketên peymankar avakirina şantiyeyê temam kirine û bi lez dest bi karan kirine. Tê plan kirin ku tevahiya proje di nav 1200 rojan de were temamkirin. Di qonaxa yekem de avakirina rêyeke 37 kîlometreyî dê were kirin.
Adem Çalkin got ku ew kêfxweş in ku vê veberhênana ku gelek salan li benda pêkanînê bû bi jiyan ve girêdan. Wî ji bo piştgiriyên wan, spasî Serokkomar Recep Tayyip Erdoğan û Wezîrê Veguhastin û Altyapeyê Abdulkadir Uraloğlu kir.
Çalkin di dawiyê de bal kişand ku ji bo pêşketina Qersê di hemû waran de dê karên xwe bidomînin û hêvî kir ku ev proje ji bo gelê Qers û Qağizmanê bibe sedema qenciyê.