Serokê Civata Giştî ya Parêzgeha Qersê Fuat Arslan, serdana seta sezona 2yan a rêzefîlma "Çırak" (Şagirt) kir ku dikişandina wê li Qersê berdewam dike. Arslan li wir bi lîstikvanê Qersî Ozan Akbaba û ekîba rêzefîlmê re hat cem hev.
Di serdanê de, potansiyela Qersê ya ku bi cihên dîrokî, dewlemendiya çandî û xweşikbûna xwe ya xwezayî ji bo sektora fîlm û rêzefîlman navendeke girîng a dikişandinê ye hat nirxandin. Hat diyarkirin ku projeyên bi vî rengî feydeyeke mezin didin danasîna bajêr û dibin sedem ku nirxên çandî û turîstîk ên Qersê bigihêjin girseyên firehtir
Serok Fuat Arslan ji bo keda wan a di danasîna Qersê de, berî her kesî spasiya Ozan Akbaba û hemû ekîba rêzefîlmê kir û di sezona nû ya rêzefîlma Çırakê de serkeftin ji wan re xwest. Arslan da zanîn ku Qersê her tim mazuvaniya huner, çand û projeyên televizyonê bike û teva kir ku berhemên bi vî rengî qîmeta marqeya bajêr zêdetir dikin.