Ji bo pêşvebirina sewalkariyê û kêmkirina mirina çêlikên çêlan (golikan) li Qersê, protokola "Projeya Rêgirtina li Windahiyên Golikan" a bi budçeya 15 milyon TL ku ji aliyê DAPê ve tê fînansekirin hat îmzekirin. Bi vê projeyê re tê armanc kirin ku piştgirî bidin sewalvanan û rê li ber zirarên aborî bigirin.
Ji bo projeyê gaveke girîng hat avêtin û protokola di navbera Serokê Îdareya Geşepêdana Herêmî ya Projeya Anatolyaya Rojhilat (DAP) Halil İbrahim Güray û Midûrê Çandinî û Daristanê yê Parêzgeha Qersê Enver Aydın de hat îmzekirin. Bi vê îmzeyê re proje bi fermî ket meriyetê.
Midûrê Çandinî û Daristanê yê Qersê Enver Aydın da zanîn ku ev proje ji bo sewalkariya herêmê xwedî girîngiyeke mezin e. Aydın anî ziman ku Qers yek ji navendên herî girîng ên sewalkariyê ye li Tirkiyeyê û ji ber vê yekê, xebatên ji bo kêmkirina mirina golikan dê rasterast feydeyê bide vê sektorê
Kars Rojname