Li gorî agahiyên ku ji ajansên nûçeyan hatine girtin, yekemîn rûniştina doza kuştina futbolîstê (Qers) Karssporê Kubilay Kaan Kundakçi, yê ku li Umraniyeyê di êrîşeke çekdarî de hatibû kuştin, îro tê dîtin.
Ajansan ragihand ku di rûniştinê de bersûc Alaattin Kadayıfçıoğlu di parastina xwe de diyar kiriye ku ew dixwaze ji malbata Kundakçi lêborînê bixwaze û gotiye: “Xwezî ev tişt bi serê min de bihata.” Li ser van gotinan, dayika dilşewat bertek nîşanî bersûc daye û gotiye: “Geber bibe (bimre)!”
Dîsa li gorî nûçeyên ku ji danişînê hatine ragihandin, bavê Kubilay jî bertek nîşanî lîstikvan Aleyna Kalaycıoğlu daye û jê pirsîtiye: “Tû qet li rewşa Kubilay napirsî, lê tu peyamê dişînî û dibêjî ‘Kûçikê min emanetî te ye’. Te çima kurê min nepirsî?”
Rûniştina dozê li dadgehê berdewam dike
