Koma Medya ya Mehmet Ali Arslan — Serokê Bajarê Qersê yê Partiya Gel a Komarî (CHP) Onur Uludaşdemir û desteya wî ya rêveberiyê ji kar hatin dûrxisistin.
Piştî biryara dadgehê ya "bûtlana mutleq", Kemal Kılıçdaroğlu dîsa wek Serokê Giştî yê CHPê dest bi wezîfeya xwe kir. Di civîna Lijneya Rêveberiya Navendî (MYK) de ku di bin serokatiya Kılıçdaroğlu de hat lidarxistin, biryar hat girtin ku li seranserê Tirkiyeyê 26 serokên bajaran ji wezîfeyê werin girtin û 7 serokên bajaran jî ji bo îxraça teqez sewqî dîsîplînê werin kirin.
Di vê çarçoveyê de, Onur Uludaşdemir ê ku ev salên dirêj bûn Serokatiya Bajarê Qersê ya CHPê dikir, tevî desteya xwe ya rêveberiyê ji kar hat hildan. Her weha hat ragihandin ku Uludaşdemir bi daxwaza îxraça teqez û bi tedbîr sewqî Lijneya Dîsîplînê hat kirin.
Li gorî agahiyên ku hatine bi dest xistin, Onur Uludaşdemir ê ku ji wezîfeyê hat girtin, wê sibê li ber avahiya partiyê daxuyaniyeke çapemeniyê bide û piştre tevî endamên rêveberiyê ji avahiya serokatiya bajêr veqete. Tê hêvîkirin ku Navenda Giştî ya Partiyê di rojên pêş de serokê nû yê bajarê Qersê eşkere bike.
