Di bernameya ku li Zanîngeha Şêx Edebalî ya Bilecikê hat lidarxistin de, karsaz Zümran Ömür a ji Boğatepeya Qersê, li ser karsaziya jinan a di çandiniyê de û çandiniya berdewam axivî.
Li Bilecikê di bin navê "Di Çandiniyê de Jinên Karsaz û Çîrokên Serkeftinê" de bernameyeke watedar hat çêkirin. Bername ji aliyê Klûba Ciwanî û Înovasyonê ya li ser Koordînatoriya Klûbên Xwendekaran û bi hevkariya ÜNİDESê ve li Salona Konferansê ya Fakûlteya Zanistên Aborî û Îdarî hat lidarxistin. Karsaza serkeftî ya ji Boğatepeya Qersê Zümran Ömür bû mêvana bernameyê
Di çalakiyê de rola jinê ya di pêşketina gundan de, rênextên serkeftina hilberîna çandiniyê û mijarên çandiniya berdewam hatin nirxandin. Ji bo bernameyê; Rektor Prof. Dr. Zafer Asım Kaplancıklı, Alîkarê Rektor Prof. Dr. Murat Yurdakul, Koordînatorê Klûbên Xwendekaran Prof. Dr. Erdem Gülümser, Midûra Dibistana Bilind a Pîşeyî Prof. Dr. Alev Akpınar Borazan, akademisyen û xwendekar beşdar bûn.
Zümran Ömür serpêhatiya xwe ya karsaziyê ya herî balkêş, zehmetiyên ku rû bi rû maye û projeyên ku li Boğatepeya Qersê pêk aniye bi dilgermî bi beşdaran re parve kir. Bername ji aliyê guhdaran ve bi eleqeyeke mezin hat şopandin
Kars Rojname
