Nûçe: Güljin Kaya
Barzan Çelimli yê 24 salî ku ji navçeya Dîgor a Qersê ye, nêzî 20 meh in li Girtîgeha Tîpa E ya Konyayê tê girtin. Malbata wî diyar kir ku rewşa tenduristiya Barzan ê ku li girtîgehê nexweş ketiye rojavilav giran dibe û ji rayedaran re bangawaziya mudaxeleya lezgîn kir.
Li gorî îddîaya malbatê, hîn nexweşiya Çelimli bi temamî nehatiye tespîtkirin; ji laşê wî 17 lître şilav (av) hatiye kişandin û nêzî 30 kîlo winda kiriye. Malbatê anî ziman ku Çelimli di mercên guncaw de nayê tedawîkirin û hemû serlêdanên wan ên ji bo rêveberiya girtîgehê û saziyên peywendîdar bêencam mane. Dîsa li gorî îddîayan, Çelimli heşt rojan li Nexweşxaneya Bajar a Konyayê hatiye girtin lê di vê tiştê de rojê tenê carekê ji aliyê bijîşk ve hatiye kontrolkirin.
Daxwaza Odeya Taybet û Nexweşxaneya Taybet Nehat Qebûlkirin Malbata Barzan Çelimli diyar kir daxwaza wan a ku kurê wan di odeyeke guncaw de bê tedawîkirin an jî li ser mesrefa wan sewqî nexweşxaneyeke taybet bê kirin nehatiye berçavgirtin. Malbatê destnîşan kir ku ev rewş mafê tenduristî û jiyanê yê girtî dixîne xetereyê û bertek nîşanî van kiryaran da. Her wiha malbatê da zanîn ku ji bo dadgehên peywendîdar û Daîreya 10'an a Ceza ya Dadgeha Bilind (Yargıtay) sê serlêdanên cuda kirine, lê heta niha ji van hewldanan ewçend encam nedestxistine
Ji Malbatê Ji Bo Rayedaran Banga Lezgîn
Bavê Barzan Çelimli diyar kir ku rewşa tenduristiya kurê wî roj bi roj giran dibe û ji rayedaran alîkarî xwest. Bav daxwaz kir ku kurê wî di mercên tenduristiyê yên guncaw de bê tedawîkirin û ji bo ronîkirina vê rewşê gavên pêwîst bên avêtin. Malbat dixwaze ku îddîayên li ser rewşa tenduristiya Çelimli bên vekolîn, pêvajoya tedawiyê bikeve bin ewlehiyê û di derheqê berpirsyaran de karûbarên pêwîst bên kirin.
