Kars'ın ilk ve tek Kürtçe gazetesine hoş geldiniz. Türkçe yayınlarımıza üstteki linkten ulaşabilirsiniz.
Kars Rojname

Kars'ın ilk ve tek Kürtçe gazetesine hoş geldiniz. Türkçe yayınlarımıza üstteki linkten ulaşabilirsiniz.
Qers Rojname

Waliyê Qersê Ziya Polat, ji ber Roja Bavik serdana Malbata Extiyaran a Qersê kir û Roja Bavik a mezinên ku li wir dimînin pîroz kir. Di vê serdanê de Rêveberê Bajêr ê Malbat û Karûbarên Civakî yê Qersê Mustafa Tosunoğlu jî bi Waliyê Qersê re bû.
Serdan di nav rûyeke germ û samimî de derbas bû; Walî Ziya Polat yek bi yek guhderiya şeniyên malbata extiyaran kir û bi wan re sohbet kir. Polat, Roja Bavik a "çinarên me yên pîroz" pîroz kir û diyar kir ku mezinên me nirxên herî girîng ên civakê ne û her dem li ser seran û ser çavan ne.
Di çarçoveya bernameyê de diyariyên cihêreng pêşkêşî extiyaran hatin kirin û pastayeke ku ji bo wate û girîngiya rojê hatibû amadekirin hat birîn. Endamên protokolê daxwaz û ramanên mezinan guhdar kirin. Bernameya ku tê de demên pir hestiyar hatin jiyîn, bi kêfxweşiya mezinan û kişandina wêneyên bîranînê bi dawî bû.
"Pira Aniyê nîşaneya baweriya paşerojê ye"
Serokê KATSOyê Kadir Bozan di axaftina xwe de bal kişand ser Pira Dîrokî ya Rêya Îpekê ya li Aniyê û got:
"Hinek caran pirek tenê ji keviran ava nabe; pira, navê baweriya ku bi paşerojê re tê girêdan e."
Bozan anî ziman ku Qers di warê çandinî, ajovantiya heywanan û geştiyariyê (turîzm) de navendeke girîng e û ev têkilî dê ji bo her du aliyan bibe fersendeke mezin.
Ji aliyê TOBBê ve Saim Özakalın diyar kir ku bazirganî di navbera welatan de hawîrdora baweriyê xurt dike û aştiyê tîne. Şêwirmendê Wezîrê Dervan ê Ermenîstanê Hayk Darbinyan jî destnîşan kir ku vekirina xetên rêyên Hesinî (tren) dê korîdorên nû yên bazirganiyê ava bike. Cîgira Midûrê Giştî yê Wezareta Dervan Ayşe Uzer jî destnîşan kir ku sala 2026an di warê firînên Stenbol-Erîvanê û projeyên lojîstîk de bûye saleke geşedanê. Piştî axaftinan, karsazên her du welatan di rûniştinên taybet de li ser hevkariyên nû yên di warê xurek, tekstîl û avahîsaziyê de peymanên nû nirxandin
Arşîv tê lêgerîn...
Tê barkirin...
Tê barkirin...
Weşan tên barkirin...
Nûçe tên barkirin...