Dadgeha Bilind a Tirkiyeyê cezayê girtîgehê yê li ser parlamenterê berê yê Qersê Mahmut Alinak erê kir. Piştî vê biryarê, rûspî û siyasetmedarê Kurd Alinak, li bajarê Qersê di encama serdegirtina mala xwe de ji aliyê hêzên ewlekariyê ve hat binçavkirin û piştre birin girtîgehê.
Li gorî nûçeya ku Mezopotamya Ajansê (MA) belav kiriye, ev doza li dijî Alinak ji ber pirtûka wî ya li ser rûdanên Cizîrê ya sala 2015an hatibû vekirin. Alinak di berhema xwe ya bi navê "Mehmet Tunç ve Bêkes" de, behsa rewşa Hevserokê Meclîsa Gel a Cizîrê Mehmet Tunç û kurê birayê wî Bêkes kiribû. Dadgehê bi hinceta ku di pirtûkê de "heqaret li Serokkomar" hatiye kirin, 1 sal û 2 meh cezayê girtîgehê dabû siyasetmedarê Kurd. Alinakê ku di navbera salên borî de di Meclîsê de wekî parlamenterê serdemên 18 û 19an erk kiribû, niha cezayê wî di girtîgehê de dest pê kir.
Kars Rojname
